…íslenzku glæpabankanna þriggja og var leyst upp örskömmu síðar í Panama.
„Mér verður oft hugsað til Jónasar Kristjánssonar ritstjóra. Blað hans DV fjallaði eitt blaða um skúffufyrirtækið Biotek sem var stofnað í Lúxemborg 1999 til þess eins að taka við 400 mkr. þóknun auk gengishagnaðar í þakkarskyni fyrir milligöngu milli DeCode og íslenzku glæpabankanna þriggja og var leyst upp örskömmu síðar í Panama. Aldrei fékkst upp gefið hverjir áttu Biotek og hirtu peningana. Nafn fyrirtækisins, Biotek (takið eftir stafsetningunni!), bendir til að eigendurnir hafi ekki verið sleipir í ensku en e.t.v. kunnað eitthvert hrafl í dönsku,“ skrifar Þorvaldur Gylfason.
„Hliðstæð leynd grúfir enn yfir neyðarláni seðlabankans til Kaupþings í hruninu 2008, láni sem rann að hluta rakleiðis til Tortólu, og einnig yfir þeim sem fluttu hrunfé aftur til Íslands á kostakjörum í boði seðlabankans eftir hrun. Meðan þessi mál og önnur slík eru óupplýst væri mesta óráð að hefja sölu á hlut ríkisins í Íslandsbanka. Nóg hafa stjórnvöld nú þegar gert til að greiða götu hrunverja aftur inn í íslenzkt efnahagslíf. Næsta ríkisstjórn þarf að lyfta lokinu af spillingunni. Að því loknu verður tímabært að endurskipuleggja bankakerfið, ekki fyrr. Það þarf að gera hlutina í réttri röð,“ skrifar Þorvaldur.
