Borgin okkar – Reykjavík er ósátt við skoðanakönnunina sem birt er í Moggganum í dag. Í tilkynningu frá framboðinu segir:
„Við teljum ranga þá aðferðarfræði sem var viðhöfð þegar upp komst að 2 flokka vantaði í skoðanakönnun sem Félagsvísindastofnun Háskóla Íslands gerði. Sú leið sem farin var varpar rýrð á niðurstöðu skoðanakönnunar. Réttast og eðlilegast hefði verið að byrja upp að nýju og senda nýja könnun með tilkynningu að fyrri svörun væri ógild. Þau vinnubrögð sem viðhöfð voru þegar upp komst um mistökin skerða verulega trúverðgleika Félagsvísindastofunar Háskóla Íslands og er það ábyrgðarhluti að birta niðurstöðu hennar.“
