BB: Notið umhverfisvænni bíla, bíla sem brenna minna af eldsneyti, rafmagnsbíla og aðra slíka.
„Burt séð frá því er líka talað um skattalækkun sem kemur til framkvæmda á tveimur árum í staðinn fyrir þremur. Hún á að gefa 70.000–120.000 kr. á ári þegar hún er komin til fullra framkvæmda. Einn þriðji komi á næsta ári, ég veit ekki hvort það eru kannski 3.700 kr. á mánuði, í mesta lagi,“ sagði Inga Sæland.
„Á sama tíma er verið að boða endalausar álögur, kolefnisgjald, urðunargjald, græna skatta hingað og þangað. Ég spyr hæstvirtan fjármálaráðherra í beinu framhaldi af því þegar hann talar um hvað þessi skattalækkun muni létta miklu á láglaunafólki og millitekjufólki: Hvernig er hægt að fá það út á sama tíma og verið er að leggja auknar álögur á nákvæmlega þessa hópa? Hvernig munu þeir standa uppi eftir tvö ár þegar allt er komið til framkvæmda fyrr en áætlað var? Hvernig mun það skila sér í bættum kjörum þegar upp er staðið?“
„Það eru nefnd önnur gjöld, en ég verð að halda því til haga að við höfum lagt áherslu á að slík gjöld feli í sér skilaboð um að það séu valkostir. Hér er t.d. nefnt urðunargjaldið, valkosturinn við það er þá að flokka meira. Af því að hér er nefnt kolefnisgjaldið erum við annars staðar að segja: Notið umhverfisvænni bíla, bíla sem brenna minna af eldsneyti, rafmagnsbíla og aðra slíka. Þar erum við að slá af sköttunum, gefa afslátt af virðisaukaskatti, aðflutningsgjöldum o.s.frv. Þannig að svarið við spurningunni er: Þetta mun allt skila sér,“ svaraði Bjarni.
Þá vita þau fátækustu að þau eiga að splæsa í nýja rafmagnsbíla.
