Oddný Harðardóttir er jafn undrandi og flestir vegna niðurskurðarins sem ríkisstjórn vill að verði á starfi Hafrannsóknastofnunar.
Oddný skrifar og rifjar upp:
Hverjum hefði dottið þetta í hug við samþykkt þjóðargjafarinnar. Hér er texti úr greinargerð með tillögunni sem samþykkt var af tilefni 100 ára fullveldisafmælinu:
„Öflugar hafrannsóknir og vöktun á umhverfi sjávar eru forsenda sjálfbærrar nýtingar sjávarauðlindanna sem auka þekkingu á umhverfinu og þeim breytingum sem þar eru að verða. Með þingsályktunartillögu þessari er því lagt til að þegar á næsta ári verði hafinn undirbúningur að smíði nýs hafrannsóknaskips og það verði smíðað á árunum 2020 og 2021. Með því er horft til þess að Ísland geti áfram verið í forustu í góðri umgengni við náttúruna og í haf- og fiskirannsóknum.““
Ekki er nema von að ákvörðun ríkisstjórnarflokkanna komi á óvart, ekki síst þegar litið er til samþykktar Alþingis á hinum einstaka fundi á Þingvöllum í sumar.
