Launaþjófnaður atvinnurekenda er mikið vandamál. Verkalýðsfélag Akraness er meðal þeirra félaga sem hafa staðið í ströngu þess vegna og hefur þegar endurheimt verulegar fjárhæðir.
Vilhjálmur Birgisson, formaður Verkalýðsfélags Akraness, sagði í útvarpsþættinum Annað Ísland á Útvarpi Sögu, síðdegis í gær, að frá því hann tók við sem formaður, í nóvember 2003, hafi félaginu tekist að endurheimta 600 milljónir frá atvinnurekendum. Peninga sem þeir hafi með ólöglegum hætti haft af starfsfólki sínu.
Síðast endurheimti félagið í harðri deilu gegn Kristjáni Loftssyni og fyrirtæki hans, Hval hf. Höfðað var prófmál fyrir einn starfsmann og vannst það að fullu. Nú er unnið að því að gera það sama fyrir aðra starfsmenn og Vilhjálmur er nokkuð viss um að Halur hf. verði að borga starfsmönnum alls um 300 milljónir króna, peninga sem Kristján Loftsson, hafði svipt fólkið þá með ólöglegum hætti.
