Guðmundur Hörður Guðmundsson er hættur við framboð til formanns Neytendasamtakanna.
Hann skýrir mál sitt þannig:
„Ég hef verið nokkuð tvístígandi vegna komandi þings Neytendasamtakanna. Vont ef við „róttæklingarnir“ í framboði dreifum atkvæðunum svo á milli okkar að „íhaldssamari“ frambjóðandi nái kjöri. Og svo verð ég að viðurkenna að ég varð hundfúll yfir því að fá ekki aðgang að félagaskrá til að geta haft beint samband við félagsmenn. Þannig að ég hef sem sagt ákveðið að draga framboðið til baka en hvet alla áhugasama til að skrá sig í samtökin og taka þátt í kosningum um framtíð þeirra. Veljum til forystu fólk sem er tilbúið til að rugga bátnum og beita samtökunum af krafti fyrir neytendur.“
