Gunnar Smári skrifar:
Gylfi Zoega varaði við minni takmörkunum á millilandasamgöngum í vor, sagði að taka yrði tillit til verðmæta þess að búa í smitlausu eða smitlitlu samfélagi og vega það upp á móti mögulega auknum gjaldeyristekjum ferðaþjónustufyrirtækja mínus meiri gjaldeyriseyðslu Íslendinga í útlöndum. Hér er vitnað til nýrrar greinar hans í Vísbendingu: „Það er ekki rétt að það hafi verið nauðsynlegt fyrir efnahagslífið að opna fyrir flæði ferðamanna. Önnur eyríki hafa kosið að vernda eigið efnahagslíf og þjóðfélög með öflugum sóttvörnum á landamærum og efnahagur landsins hefur verið framar vonum undanfarnar vikur þótt fáir erlendir ferðamenn væru.“
