Gunnar Smári skrifar:
Ég skil ekki alveg þessa tímaröð:
5. apríl: Reglugerð heilbrigðisráðherra dæmd ólögleg
8. apríl: Ný reglugerð heilbrigðisráðherra
20. apríl: Ríkisstjórn kynnir breytingar á sóttvarnalögum
21. apríl: Alþingi í spreng að afgreiða frumvarpið, stefnt að næturfundum svo lögin taki gildi 22. apríl.
Mátti ekki nota þessa 15 daga frá dómnum að kynningu á lagabreytingunni eitthvað betur. Hvers vegna þetta mikla hangs og svo þessi mikli æðibunugangur?
Það er kannski ekki að furða að lagabreytingin sem Alþingi afgreiddi í febrúar var fúsk, eins og reglugerð ráðherra sem byggði á þessum lögum. Öllum ber saman um að kynningarfundurinn á þriðjudaginn var fúsk og þessi vinnubrögð á Alþingi eru náttúrlega yfirgengilegt fúsk. Það er eins og ætlunin sé að fúska sig í gegnum þetta allt. Hvað haldið þið að komi út úr því? Ég skal hjálpa ykkur. Þetta verður F _ _ K
Svo má bæta við. Fyrst var þingfundi frestað til 21:30. Svo til 23:00. Þá til 24:00. Svo til 1:00. Og nú áðan til 2:00. Svona verður þetta fram eftir nóttu þar til þingmenn taka til við að röfla svefndrukknir um málið fram á morgun áður en þeir greiða atkvæði um lög sem verða svo gölluð að ekkert hald verður í þeim.
Ég vildi ég gæti hlegið að þessu, en ég er alveg að missa húmorinn fyrir Alþingi.
