Sigurjón Magnús skrifar:
Nú fjórum árum síðar er myndin dökk. Gunnar Bragi sá að hans og annarra í Miðflokknum beið niðurlæging. Hann hafði vit á að hætta. Sem er meira en sagt verður um Sigmund Davíð.
Ekki er það burðugt.
Tvíeykið sem var er ekki lengur sem fyrr. Gunnar Bragi sá í hvað stefndi og stökk í landi. Áfram heldur Sigmundur Davíð og lætur sem allt sé í þessu fína. Hann er niðurlægður. Miðflokkurinn hans er jafnvel á lokametrunum. Sigmundur Davíð og Bergþór Ólason einir eftir. Ekki er það burðugt. Ekki er langt síðan Bergþór Ólason var innmúraður og innvígður Valhallarmaður. Líklegt er að hann fari aftur heim.
Miðflokknum skaut upp á stjörnuhiminn fyrir fjórum árum. Nú er prikið komið niður. Það er eins óspennandi og hugsast getur. Mikið þarf að breytast eigi Miðflokkurinn að lifa allar hremmingarnar af.
Gunnari Braga var hafnað af Framsókn fyrir kosningarnar 2017. Kaupfélagsveldið vildi ekki sjá hann lengur. Sem utanríkisráðherra tók hann þátt í viðskiptaþvingunum gegn Rússum. Sem svöruðu í sömu mynt. Þar með lokaðist arðvænleg viðskipti Kaupfélagsins. Það dugði.
Nú fjórum árum síðar er myndin dökk. Gunnar Bragi sá að hans og annarra í Miðflokknum beið niðurlæging. Hann hafði vit á að hætta. Sem er meira en sagt verður um Sigmund Davíð.
