Gunnar Bragi: Eins og smjör á smokki
Bergþór sagði Ingu Sæland vera; „...húrrandi klikkaða kuntu.“
Hafi þingmenn Miðflokksins og félagarnir Ólafur Ísleifsson ekki verið að meina það sem þeir sögðu yfir bjórglösum verður samt að spyrja hvað gekk á hjá þeim. Stundin og DV hafa birt skrif af upptökum af samræðum þeirra og eins hljóðbrot.
Gunnar Bragi talaði mikið um þegar hann skipaði Geir H. Haarde og Árna Þór Sigurðsson sendiherra. Hann sagði að Árni Þór hefði fengið stöðuna helst til að draga athyglina frá Geir.
Í bjórfundinum sagði hann svo: „VG hefðu getað orðið brjálaðir en Katrín sagði ekki orð. Ég átti fund með henni. Geir slapp í gegnum þetta eins og smjör á smokknum hjá honum þarna Friðriki Ómari.“
Bergþór Ólason, þingmaður Miðflokksins, kallar Ingu Sæland, formann Flokks fólksins „húrrandi klikkaða kuntu“ á hljóðupptöku sem Stundin hefur undir höndum.
„Hún er fokking tryllt,“ sagði Bergþór við Karl Gauta Hjaltason og Ólaf Ísleifsson, þingmenn Flokks fólksins, í viðurvist flokksfélaga sinna, Sigmundar Davíðs Gunnlaugssonar, Önnu Kolbrúnar Árnadóttur og Gunnars Braga Sveinssonar á Klaustur bar 20. nóvember síðastliðinn.
