Þarna er komin stórgáfuð, vel menntuð og „sympatís“ kona, sem er verðugur arftaki Bjarna Benediktssonar.
Guðbjörn Guðbjörnsson.
„Jæja, þá er hann fundinn: Næsti formaður Sjálfstæðisflokksins (þú heyrðir það fyrst hér). Sjálfstæðisflokkurinn er stjórnmálaflokkur jafnréttis, mannréttinda, umhverfisverndar og framfara og fyrsti þingmaðurinn og ráðherrann sem var kvenkyns var úr okkar flokki. Það skiptir mig „prívat og persónuleg“ ekki máli af hvaða kyni fólk er, hæfnin skiptir mig máli,“ skrifaði Guðbjörn Guðbjörnsson félagi í Sjálfstæðisflokknum.
„Þorgerður Katrín uppfyllti þessar „kríteríur“ en græddi á útrásinni o.fl. og dúndraðist út af þingi, þótt tækifærissinnar í Viðreisn fyndu sér sálufélaga og hafi séð tækifæri í þessari frábæru og hæfileikaríku konu, sem villtist vegar. Hún er nú orðinn sósíalisti, enda af miklu kratakyni, orðin formaður í sósíalistaflokki eins og hún hefði átt að vera allan tímann.
Guðrún Hafsteinsdóttir pakkaði Þórdísi Kolbrúni og Áslaugu Örnu snyrtilega saman í Kastljós-viðtali sínu. Þarna er komin stórgáfuð, vel menntuð og „sympatís“ kona, sem er verðugur arftaki Bjarna Benediktssonar. Ég tók þátt í síðustu valdaskiptum og ég er ekki dauður úr öllum æðum. Ég spáði Kristrúnu frama og það rættist og núna er það Guðrún Hafsteinsdóttir.
