Nýársávarp forsetans sást ekki utan Íslands vegna klúðurs hjá rúv.
„Guðni Th. Jóhannesson er svo sannarlega forseti allra Íslendinga,“ skrifar Kristinn T. Haraldsson. „Ég sendi honum fyrirspurn um það hvort hann væri ekki forseti allra Íslendinga eftir að ég gat ekki horft á nýársvarpið hans þar sem ég bý í Noregi. Forseti Íslands svaraði litla manninum og birti ég hér svar hans. Nú er ég stoltur Íslendingur,“ skrifar Kristinn, betur þekktur sem Kiddi Rót og fyrrverandi ráðherrabílstjóri.
Kiddi birtir svar forsetans.
„Sæll vertu og gleðilegt ár! Ég sá fyrirspurn þína um nýársávarpið, að ekki hefði verið hægt að horfa á það erlendis, ólíkt ræðu forsætisráðherra t.d. Ég bað starfsfólkið á skrifstofu forseta að athuga málið hjá Ríkisútvarpinu og við fengum þetta svar eins og því var lýst var fyrir mér: „Handvömm var í skráningu hjá þeim og var einhver læsing á útsendingunni og því takmörkuð við Ísland. Nú er búið að taka læsinguna úr sambandi.“ Þetta voru því mistök en til öryggis munum við væntanlega minna fólkið hjá RÚV á að hafa þetta í lagi framvegis. Kær kveðja og gleðilegt ár, Guðni.“
