Eitt eiga þeir sameiginlegt þeir Guðmundur Þ. Guðmundsson og Logi Geirsson. Þeir standa sig vel í sínum hlutverkum. Engum dylst að Guðmundur Þ. Guðmundsson er frábær þjálfari og sá besti sem hefur þjálfað íslenska landsliðið. Logi Geirsson er mjög góður í sinni umfjöllun um landsleikina.
Viðbrögð Guðmundar, við ákveðinni gagnrýni Loga eftir leikinn við Sviss, voru of hörð. Liðið lék ekki vel. Það séu fleiri en Logi. Guðmundur er það góður þjálfari að alltaf eru gerðar kröfur til hans og liðsins. Sem betur fer. Það sem Logi sagði er nánast það sama og við hin sögðum heima í sófunum okkar.
Svissneska liðið virtist vera búið að læra okkar lið utan að. Virtist eiga svar við öllu sem okkar lið reyndi. Að gagnrýna það er engin dauðasök. Að auki gerir enginn endalausar kröfur á liðið. Alls ekki. Væntingarnar eru miklar. Hins vegar vitum við öll að það vantar menn í liðið. Það breytir því ekki að liðið og þjálfarinn verða að þola gagnrýni.
Báðir eru frábærir og verða að halda áfram sínum góðu verkum, Guðmundur og Logi.
Eitt skil ég samt ekki. Hvers vegna var sænski markmannsþjálfarinn ekki rekinn ef hann var að delera tóma þvælu um Aron Pálmarsson og HSÍ?