Þessi maður gerir engar kröfur um að vera tekinn alvarlega. Hann þiggur athugasemdarlaust 45% launahækkun en segir 18% launakröfur ljósmæðra muni gefa slæmt fordæmi og valda óstöðugleika.
Hans eigin launahækkun, veitt honum af vini hans sem hann skipaði í kjararáð, hefur valdið fullkomnum trúnaðarbresti milli verkalýðshreyfingarinnar og stjórnvalda; ráðherrarnir hafa gengist við því að vera siðspillt sjálftökulið sem vill að önnur viðmið gildi um sig en almenning.
Orð þessa manns eru einskis virði, og hann veit það. Hann ætlar ekki að sannfæra neinn. Hann ætlar að fá sitt fram með valdi. Fylgjendur hans er fólk sem laðast að hinum valdamikla, þeim sem níðist á þeim sem geta síst varið sig.
Hann er forystumaður í félagsskapnum Grimmur hugur og kalt hjarta. Skilaboð hans eru: Vertu ekki fyrir mér, eina skjólið er að vera á bak við mig.
-gse