„Komið hafi fram hjá rannsóknarnefnd samtakanna að lögreglan eigi sér langa hefð fyrir tengslum við tiltekinn stjórnmálaflokk og að flokksaðild og pólitísk sjónarmið geti stundum haft áhrif á stöðu hennar. Nú held ég að það sé augljóst um hvaða flokk ræðir. Mig langar líka að velta fram þeirri spurningu hvers vegna það sé svo augljóst. Er lagt til að það verði komið á fót miðlægum stofnunum sem fáist við innra eftirlit og rannsóknir á hugsanlegum brotum í starfi lögreglunnar,“ sagði Helgi Hrafn Gunnarsson Pírati þegar hann gerði niðurstöðu GRECO um spillingiu á Íslandi.
„Það er eitt sem mér finnst mikilvægt að við höfum í huga í þessu sambandi. Stjórnmálaöfl á borð við þetta stóra, rótgróna stjórnmálaafl sem greinilega hefur þessi tengsl við lögregluna fela líka í sér ákveðna heimsmynd. Ákveðna mynd af borgurunum og af því hvernig eðlilegt og gott samfélag sé. Það að stjórnmálaflokkur hafi áhrif á störf lögreglunnar nokkurn tímann er ekki nógu gott og er eitthvað sem við eigum að taka alvarlega. Ég myndi segja að sá hv. stjórnmálaflokkur ætti líka að gera það,“ sagði Helgi Hrafn.
„Við Píratar lögðum á sínum tíma fram og leggjum hugsanlega aftur fram þingsályktunartillögu um sjálfstætt eftirlit með störfum lögreglu. Nú hefur verið að störfum frá því í upphafi 2017 nefnd um eftirlit með störfum lögreglu og fyrsta ársskýrslan á eftir að koma út, hún kemur út bráðlega og ég hlakka til að sjá hvað kemur fram í henni. Metum stöðuna eftir það. Þetta er eitthvað sem við á Íslandi eigum ekkert að vera of bláeygð yfir. Pólitísk afskipti af lögreglustörfum eru algjörlega ólíðandi. Það að það sé einhver pólitískur kúltúr sem stjórni því, stjórni nokkrum sköpuðum hlut innan lögreglunnar, er algjörlega ólíðandi og við eigum ekki nokkurn tímann að leyfa svona orðum að birtast aftur í skýrslu frá GRECO um okkur.“
