„Ég velti fyrir mér hvers vegna þessi góða hugmynd hafi verið útfærð á þennan máttlausa hátt.“
„Þegar á reynir samsvara fimm þúsund krónur ekki meira en ísbíltúr fyrir meðalfjölskyldu,“ sagði Þorbjörg Sigríður Gunnlaugsdóttir Viðreisn á Alþingi.
Þorbjörgu þykir ekki mikið til aðgerðar ríkisstjórnarinnar, að senda fimm þúsund króna ferðatékka til fólks, koma.
„Þessi aðgerð hefði átti að vera stærri og kraftmeiri því að hún getur komið fleirum af stað og stutt þannig við ferðaþjónustuna, stutt við atvinnulífið okkar, stutt við byggðirnar og fjölskyldur landsins, stuðlað að því að skapa gott íslenskt ferðasumar fyrir fólkið í landinu,“ sagði hún.
„Ferðaþjónustan þarf mjög á innspýtingu að halda og þegar við blasir að landsmenn munu ekki ferðast til útlanda í sumar hefði mátt og átt að fara af mun meiri krafti í þá almennu aðgerð að hvetja til ferðalaga innan lands og gera fjölskyldunum það mögulegt.“
„Ég velti fyrir mér hvers vegna þessi góða hugmynd hafi verið útfærð á þennan máttlausa hátt,“ Þorbjörg Sigríður Gunnlaugsdóttir.
