Gunnar Smári skrifar:
Hver er stefna íslenskra stjórnvalda í þessu máli? Styður ríkisstjórn Katrínar Jakobsdóttur innrás Tyrkja inn á yfirráðasvæði Kúrda í Írak? Var samið um það í hingaðkomu Pompeo og Pence að íslensk stjórnvöld myndu ætíð samþykkja ofbeldi hinna sterku gegn hinum veiku á alþjóðavettvangi.
…getur ekki endað með öðru en hörmungum.
Guðlaugur Þór Þórðarson utanríkisráðherra var helsti hugmyndafræðingur að baki ákvörðun Sjálfstæðisflokksmanna að yfirgefa klúbb hefðbundinna íhaldsflokka í Evrópu og elta breska Íhaldsflokkinn inn í bandalag með flokki Erdogan í Tyrklandi og Lög og rétti, hvar Repúblikanaflokkurinn bandaríski er vinaflokkur. Markmið hans í Brexit og öðrum utanríkismálum virðist vera að festa Ísland við stefnu þessara flokka, sem eru að leita leiða til að verja ávinning hinna ríku á nýfrjálshyggjutímanum með aukinni valdbeitingu, yfirgangi gagnvart minnihlutahópum og veikari þjóðum og minni virðingu fyrir mannréttindum. Að láta slíkum manni eftir mótun utanríkisstefnu Íslands er glapræði, getur ekki endað með öðru en hörmungum.
