Gjafagjörningur Engeyjarfrænda til Garðabæjar?
- Sigurður Ingi, formaður Framsóknar, óskar eftir þingumræðu um sölu Vífilsstaðalandsins.
Sigurður Ingi Jóhannsson, formaður Framsóknarflokksins og fyrrverandi forsætisráðherra, vill þingumræðu um sölu ríkisins á
Vífilsstaðalandi til Garðabæjar. Þetta kemur fram á Facebooksíðu formannsins.
Sigurður færir rök fyrir að verðmæti jarðarinnar sé allt annað og meira en ríkið fær fyrir söluna. Hann vitnar í gamla frétt því til
staðfestingar. Sjá hér til hliðar.
Sigurður Ingi hefur óskað eftir umræðu við Benedikt Jóhannesson fjármálaráðherra um málið.
Þá var verð á hektara fyrir rúmum 15 árum um 10 milljónir (núvirt 20 milljónir+). Nú gera þeir Engeyjarfrændur samning við Garðabæinn sinn um sölu á ca 2,5 milljónir hektarann. Órætt í þinginu hvort ekki væri skynsamlegt að halda eftir lóð undir nýtt þjóðarsjúkrahús, skrifar Sigurður Ingi.
Og hann bætir við; enn og aftur finnst fjármálaráðherra þingið bara vera fyrir – en ekki sjálfsagður vettvangur fyrir skoðanaskipti og grundvöll ákvarðanatöku.
