Þar með krækir hann í 132 milljónir á kostnað landsmanna. Fyrir þetta eina ár í starfi þá reiknast tímakaupið vera 75.000 krónur.
Davíð Þór Björgvinsson sótti nýlega um stöðu Hæstaréttardómara, en var réttilega hafnað og kona ráðin. Nú losnar önnur staða við réttinn þegar Helgi Ingólfur Jónsson gengur út með 132 milljónir. Davíð Þór Björgvinsson verður örugglega meðal umsækjenda um stöðu Helga Ingólfs.
Davíð Þór Björgvinsson verður 65 ára á næsta ári. Við það tilefni þá getur hann óskað eftir lausn frá starfi og haldið óbreyttum launum í 5 ár ef svo illa vildi til að hann fái ráðningu. Þar með krækir hann í 132 milljónir á kostnað landsmanna. Fyrir þetta eina ár í starfi þá reiknast tímakaupið vera 75.000 krónur.
Ræstingakona með 5 ára starfsreynslu er með 2.029 krónur á tímann. Það tekur hana 37 klukkustundir að afla 75.000 króna. Ætlar einhver að halda því fram að Davíð Þór sé 37 sinnum verðmætari en láglaunakonan sem þrífur óhreinindin á skrifstofum Hæstaréttar?
Það er búið að græðgisvæða Hæstarétt.
Það er búið að græðgisvæða Hæstarétt. Dómarar ganga um gangana gapandi með dollaramerki í augunum! Núna í vor þá hafa þrír dómarar á skömmum tíma fengið lausn frá störfum: Helgi Ingólfur Jónsson, Markús Sigurbjörnsson og Viðar Már Matthíasson. Samtals kosta mennirnir landsmenn 400 milljónir. Fyrir þá fjárhæð mætti til dæmis hækka lægsta ellilífeyririnn um 20 þúsund krónur á mánuði hjá 330 einstaklingum í 5 ár. Það verður að stöðva þessa vitleysu þarna upp í Hæstarétti. Það er verið að brenna peninga! Karlarnir geta bara unnið til sjötugs eins og aðrir landsmenn.