Geta kyrrsett allar gróðamaskínurnar
„Allt heilaþvegna hagfræðipakkið sem ruglar saman hugmyndafræði og vísindum hrópar einum kór og varar við heimsendi.“
Pétur Tyrfingsson skrifaði á Facebook: „Það fer ekki framhjá neinum að fulltrúar auðstéttar og fésýsluafla á Íslandi eru á barmi þess að missa stjórn á sér vegna þess að ósköp venjulegu fólki datt í hug að stofna sósíalistaflokk, bjóða svo fram og ná inn fulltrúa í Borgarstjórn, bjóða sig fram til trúnaðarstarfa í Eflingu, blása til samstöðu meðal ófaglærðs verkafólks fyrir næstu kjarasamninga, kalla eftir að skattaafsláttur á borgarastéttina sé afturkallður og skattar lækkaðir á smánarlaun, krefjast þess að fólk geti eignast heimili án þess að verða heilsulaust vegna vinnuþrælkunar og streitu fyrir fimmtugt…..
Fjármálaráðherrann vísar öllu á bug og lætur sér standa nákvæmlega á sama hvort slík viðstöðulaus frávísun kunni að reynast alvarleg ögrun við skipulagðan fjölda fólks sem getur kyrrsett allar gróðamaskínur samfélagsins með því einu að setjast niður….
Allir ómerkilegu blaðasnáparnir baula á verkalýðshreyfinguna einum kór enda voru þeir ýmist ekki fæddir eða með ómálga síðast þegar verkalýðshreyfingin bærði á sér….
Allt heilaþvegna hagfræðipakkið sem ruglar saman hugmyndafræði og vísindum hrópar einum kór og varar við heimsendi…..
Og hlaupatíkur Sjálfstæðisflokksins í Sjómannafélagi Íslands héldu að þeir hefðu fengið skotleyfi á þá félagsmenn sína sem ætla að fara að herma eftir félaga Sólveigu Önnu og hennar kompaníi og gerður sér litið fyrir og ráku þá konu sem þar stóð í stafni……
Og hver er ekki útí horni slefandi ómerkilegu slúðri og óhróðri sem hann hefur sleikt út úr einhverjum öðrum ómerkilegum kjarklausum slefberum burgeisastéttarinnar – hver annar en Davíð Oddsson sem ritstýrir dagblaði sem er sérstaklega gefið út með bullandi tapi til þess að reka áróður fyrir auðvaldið á Íslandi?
Davíð Oddson – hin kristilega fyrirmynd íslenskrar æsku sem getur nú tekið hann sér til fyrirmyndar og æft sig á samfélagssmiðlum í því að níðast á öðrum í skjóli nafnleyndar án þess að þurfa nokkru sinni að bera ábyrgð á orðum sínum eða gjörðum. Bara að passa að ganga fyrst í Heimdall
