Hann skilur við fjármálaráðuneytið í kalda koli. Hefur setið þar nánast samfellt í tíu ár. Viðskilnaðurinn er hreint ömurlegur.
Meðstjórnendurnir í ríkisstjórninni, Katrín Jakobsdóttir og Sigurður Ingi, samþykkja hvað sem Bjarni segir og eða gerir. Hann fór ekki að leikreglum þegar hann seldi drjúgt af Íslandsbanka. Hann boðaði til blaðamannafundar og sagði þar að sér væri ekki vært í fjármálaráðuneytinu. Sem er líka efnahagsráðuneytið. Staða efnahagsmála er í kalda koli.
Bjarni meinti ekki neitt með því þegar hann sagði af sér. Planið hans var þá bara að hrifsa utanríkismálin af Þórdísi K.R. Gylfadóttur og setjast sjálfur í utanríkisráðuneytið. Það örlar ekki á iðrun hjá Bjarna. Ekki eitt einasta augnablik.
Hann skilur við fjármálaráðuneytið í kalda koli. Hefur setið þar nánast samfellt í tíu ár. Viðskilnaðurinn er hreint ömurlegur.
Með þessu framferði þvingar Bjarni samstarfsflokkanna til að taka þátt í þessu bixi. Hann er brimbrjóturinn í „samstarfinu“ og sýnir það svo sterkt í þessari viku. Og kórónar allt með því að fara úr einum stól yfir í annan. Siglir sjálfum sér í var.
Þegar þetta er skrifað er rétt rúmur hálftími þar til blaðamannafundur hefst.
