Með aðgerðarleysi ykkar gegn kúgun kapítalistanna eruð þið að styðja þá í að svelta fólk, svipta það völdum, eyða trausti, kærleika og samkennd út samfélaginu, hrekja fólk niður í óbærilegar aðstæður og á endanum drepa það.
Gunnar Smári skrifar:
Fyrir ykkur sem rekist á fullyrðingar um að kommúnismi/sósíalismi ber á einhvern hátt ábyrgð að kúgun og morðum einræðisherra sem skreytt hafa sig með þessum hugsjónum (sumir jafnvel framfylgt ágætri sósíalískri stefnu í uppbyggingu velferðar-, mennta og heilbrigðiskerfa, auknum rétti kvenna o.fl. þótt meginverkefni þessara herra hafi verið að halda völdum með öllum tiltækum ráðum) er ágætt að hafa í huga að þið eruð nú innan kerfis sem kúgar, sveltir og drepir. Og eruð auðvitað miklu fremur samsek með aðgerðaleysi ykkar en þau sem berjast fyrir réttlæti innan þess í nafni sósíalismans beri einhverja ábyrgð á morðum klíkustjórna Maós eða Stalíns.
Rannsóknir hjónanna Anne Case og Angus Deaton draga fram að gagnvart hinum valdalausu og fátæku er kapítalisminn morðmaskína, sem kúgar, sveltir, meiðir og drepur; sýgur lífskraftinn og hamingjuna úr fjöldanum; eyðir trausti, kærleika og samkennd; skilur fólk eftir í aðstæðum sem eru manneskjum ekki sambornar og gera fólki ómögulegt að lifa sem manneskjur.
Ef ykkur finnst erfitt að kyngja þessu er ágætt að taka þetta inn í smáskömmtum frá þessari blíðu yfirveguðu konu á virðulegum aldri, sem útskýrir þetta fyrir ykkur sem kennslukona með takmarkalausa þolinmæði. Og ef það dugar ekki getið þið skipt yfir á eiginmanninn Angus Deaton, sem er virðulegur skoskur heldri maður með aldalanga menntahefð láglanda Skotlands í æðunum, lágstemmdur og kurteis.
Ef það dugar ekki skulið þið halda áfram að leita leiða til að skilja þetta og meðtaka: Með aðgerðarleysi ykkar gegn kúgun kapítalistanna eruð þið að styðja þá í að svelta fólk, svipta það völdum, eyða trausti, kærleika og samkennd út samfélaginu, hrekja fólk niður í óbærilegar aðstæður og á endanum drepa það.
