Samfélag Pétur Markan, bæjarstjóri í Hveragerði, birti þessi skrif á Facebook í morgun.
„Í gær var regnboginn málaður í Hveragerði með gleði og ástríðu – til áminningar um að öll eiga rétt á frelsi, viðkenningu og frið. Annað verður aldrei liðið. Hatrið út!
Ég átti sjálfur dásamlega kvöldstund í gær ásamt hugsjónaungviði og eldri eldhugum og málaði götuna í regnboganslitum. Þetta blasti síðan við í morgun. Það þýðir aðeins eitt, regnboginn verður gerður stærri og bjartari – skínandi fallegur. Í morgun vorum við áminnt um að baráttan heldur áfram.
Hatrið út, kærleikanum allt! Það er og verður viðbragðið okkar í Hveragerði. Í Hveragerði gefum við þeim blóm sem haga sér svona, rétt eins og Hörður Torfa söng um.“
Þú gætir haft áhuga á þessum
