Stjórnmál „Þurfum að fara núna í LÍÚ.“ Þannig orðaði Gunnar Bragi Sveinsson sms-skeyti til formanns síns, Sigmundar Davíðs Gunnlaugssonar, sem var sent í mars 2011. Hann sendi síðan annað sms-skeyti til Vigdísar Hauksdóttur: „ „Erum að fara á leyndófund LÍÚ segi þér síðar.“

Af sms-skeytunum að dæma var Sigurður Ingi Jóhannsson, varaformaður Framsóknarflokksins og núverandi sjávarútvegsráðherra, með á leynifundinum.

Þetta upplýstist þegar sms-skeyti, sem send voru gegnum þjón Vodafone, var lekið á netið.

Vík á milli vina

SFS, sem er LÍÚ dagsins í dag, segir á heimasíðunni sinni að það sé krafa útgerðarinnar að Ísland endurskoði viðskiptabann á Rússland. Viðskiptabann er að er kannski ofsögum sagt, þar sem um viðskiptaþvinganir er að ræða, ekki bann. En það er annað mál. Ótrúlegt er, miðað við stöðuna nú, að Gunnar Bragi verði boðaður á leyndófund núna.

„Viðskiptabanninu, sem snýr að banni á vopnaviðskiptum og fjármögnun fjármálastofnana í Rússlandi, hafa Rússar svarað með því að banna innflutning matvæla. Sala á íslenskum sjávarafurðum hefur farið vaxandi til Rússlands á undanförnum árum og skipt miklu fyrir þjóðarbúið,“ segir á sfs.is. Sjá nánar hér.