Björn Leví Gunnarsson: „Nú, eru engar arðbærar framkvæmdir til sem eru á ábyrgð ríkisins?
Rosalega gaman að vera með fjármálaráðherra sem skilur ekki ríkisfjármál. Það er eins og hann haldi að þetta sé einhvers konar heimilisbókhald.
Það myndi til dæmis borga sig margfalt að fara að fullum krafti í nýsköpun og rannsóknir.
Þetta eru engin geimvísindi. Lög um opinber fjármál gera ráð fyrir þessu, að stjórnvöld haldi til haga mögulegum verkefnum, hvað þau kosta og hvaða ábata þau munu skila. Ástæðan fyrir því að við erum að byggja nýjan Landspítala er til dæmis af því að það er ódýrara en að reyna að viðhalda gamla. Þannig spörum við pening til framtíðar. En nei, engin svoleiðis verkefni til núna…“
Atli Þór Fanndal: „Biblíuhagfræði íhaldsins er ástæða þess að Ísland mun fara efnahagslega afar illa út úr covid. Það er eins og Bjarni hafi aldrei budgedað fyrir neinu öðru en Pepsí Max og Doritos… Það er fjárfesting að tryggja framtíðartekjur ríkissjóðs. Það sker sig enginn niður úr kreppu eins og þeirri sem við erum í núna. Það virkar ekki. Alveg eins og að ríkisstyrktar uppsagnir bjarga ekki störfum.“