Stjórnmál Pírötum er sendur tónninn í Staksteinum dagisns. „Eftir að hafa náð þeim merka áfanga að slá Íslandsmet í fjárlagaumræðu og tryggt sér að það met myndi standa um ókomna tíð lét stjórnarandstaðan staðar numið og leyfði að um fjárlagafrumvarpið yrðu greidd atkvæði eftir aðra umræðu.“
Píratarog vinstri flokkarnir
Staksteinar halda áfram: „Athygli hefur vakið í öllu þessu málþófi og svo í atkvæðagreiðslunni í gær að Píratar hafa í engu skorið sig frá hinum vinstriflokkunum.
Þeir fylgdu Samfylkingarflokkunum og Vinstri grænum eins og skugginn í gegnum allt málþófið svo ekki mátti á milli sjá hverjir voru fulltrúar ferska nýja tímans og unga fólksins og hverjir voru steinrunnir fulltrúar gamla úrelta fjórflokksins.
Píratarnir ungu og fersku hafa jafnvel lagt lykkju á leið sína í atkvæðaskýringum til að verja vinstristjórn Jóhönnu og Steingríms og er þá langt seilst til að tryggja að enginn haldi að þeir hafi eitthvað nýtt fram að færa í stjórnmálum.“
Gamla bragðvonda sullið
Enn úr Staksteinum: „Það er með miklum ólíkindum að þingmenn Pírata, sem í orði kveðnu eru fulltrúar einhvers nýs, sem enginn hefur að vísu enn útskýrt og þaðan af síður skilið hvað á að vera, skuli elta hina vinstriflokkana í öllum tillögum og atkvæðagreiðslum fjárlaganna.
Er ekki orðið tímabært að Píratar sameinist formlega skoðanabræðrum sínum í VG og Samfylkingu og láti af því að reyna að rugla kjósendur með þessum nýja belg um gamla bragðvonda sullið?“
