„Þá bregður svo við að forysta SGS, sem samdi um kaupmáttarrýrnun í 10% verðbólgu fyrir sitt fólk, fer gegn baráttu Eflingar með kjafti og klóm.“
Skúli Thoroddsen.
„Sú var tíðin að Dagsbrún, forveri Eflingar tók slaginn fyrir verkafólk, ekki bara í kjaramálum heldur einnig samfélagslega svo sem varðandi húnsæðismál og félagslegt öryggi eins og nú þegar allt er undir,“ segir Skúli Thoroddsen, fyrrum framkvæmdastjóri Starfsgeinasambandsins, á Facebook.
„Aðrir nutu góðs af. Þá bregður svo við að forysta SGS, sem samdi um kaupmáttarrýrnun í 10% verðbólgu fyrir sitt fólk, fer gegn baráttu Eflingar með kjafti og klóm, í stað þess að styðja hana með ráðum og dáð. Sei, sei, segi ég nú bara. Vandinn er ekki sá að segja sig úr SGS, heldur skipta um forystu á þeim bæ með afli Eflingar og öðrum félögum SGS sem þora og vilja.“
Þetta eru þung orð frá fyrrverandi framkvæmdastjóra SGS, og fyrrum starfsmanni Dagsbrúnar.
