Lilja Rafney Magnúsdóttir, fyrrum þingkona og fulltrúi VG í atvinnuveganefnd þingsins um árabil, ýmist formaður nefndarinnar, eða varaformaður, er ekki sátt við Svandísarfrumvarpið.
„Hámarkskvóti útgerða á markaði hækkaður og byggðakvóti afnuminn í nýju frumvarpi ráðherra í samráðsgátt ! Er þetta baráttumál VG loksins að líta dagsins ljós ? Eða öfugmælavísa til að auka fylgi VG meðal stórútgerðarinnar? Eitt er víst að ekki er þetta til að draga úr gífurlegri samþjöppun í útgerð né til þess gert að auka fjölbreytileika í vistvænum veiðum eða styðja við smábátaútgerð og veikari sjávarbyggðir. Á hvaða miðum er VG að róa greinilega ekki á atkvæðaveiðum. Öðruvísi mér áður brá segi ekki meir í bili.“
