Gunnar Smári skrifar:
Skattur á fyrirtæki hefur verið meira en helmingaður á undanförnum áratugum og skattur á arðgreiðslur enn meira. Allt var þetta gert til að auka fjárfestingar, að þbí er sagt var. Það hefur auðvitað ekki gengið eftir, enda dellukenning frá upphafi.
Fyrirtækin eru mesti skaðvaldur umhverfisins, einstaklingar eru fyrst og fremst fórnarlömb mengunar fyrirtækjanna. En í stað þess að beita fyrirtækjum refsingum, sektum eða lokun er nú stefnt að því að almenningur gefi eigendum fyrirtækja fé gegn því að þeir dragi aðeins úr mengun og spillingu umhverfisins. Ofan á allt það fé sem eigendum fyrirtækja var gefið með skattalækkunum. Þetta er svipað og að borga þjófum fyrir að hætta að stela, en banna þeim samt ekki að stela áfram.
Hvaða rugl er í gangi? Því er auðsvarað; rán hinn ríku úr almannasjóðum, á eignum og auðlindum almennings, er í fullum gangi. Vg mun síðan kynna þessa skattalækkun til hinna ríku sem stórsigur í umhverfismálum.
Ef þið viljið ekki að hin ríku innleiði hér algjört alræði auðvaldsins verðið þið að kjósa rétt í haust. Ekki kjósa auðvaldsflokkana (DMC) og ekki þá flokka sem borið hafa auðvaldsflokkana til valda á þessari öld (VBS). Annars megið þið kjósa hvað sem er.
