Katrín Oddsdóttir:
Auk þess bera íslensk yfirvöld þunga ábyrgð fyrir regluleysið og skort á eftirliti í þessu máli. Nú þurfa þau að girða sig STRAX í brók og stoppa þetta rugl.
Þetta afmyndaða dýr er einn af 17 eldislöxum sem veiddust í sama hyl í Hrútafjarðará í vikubyrjun. Dýrin voru sum hver lúsétin inn að beini.
Hvernig í ANDSKOTANUM (fyrirgefið fjórtánþúsund sinnum blótsyrðið) má það vera að fyrirtækið sem ber ábyrgð á þessu gígantíska umhverfisslysi og þessari ömurlegu meðferð á dýrum sé enn bara í fullum rekstri? Að sömu stjórnendur sitji þar enn í sínum störfum (eflaust á fínum launum) á meðan þessi lifandi hræ synda eins og uppvakingar upp íslenskar ár með tilheyrandi skaða fyrir líffjölbreytileikann í ánum? Gleymum því ekki að fjölbreytileikinn er undirstaða lífs, ef náttúran missir eiginleikann til að aðlagast deyja heilu vistkerfin. Það er það sem gerist að lokum í svona tilfellum.
…komið Alþingi í skilning um það í eitt skipti fyrir öll AÐ NÚ ER NÓG KOMIÐ…
Hvar er Alþingi og hvar eru ráðherrarnir sem bera ábyrgð á þessum málaflokki?
Einhvers staðar heyrði ég því kastað að MAST hefði ekki næg úrræði samkvæmt lögum um fiskeldi til að bregðast almennilega við. Ég fæ nú ekki betur séð en að þar standi:
„22. gr. Um refsingar.
Það varðar stjórnarmenn og framkvæmdastjóra rekstrarleyfishafa … sektum eða fangelsi allt að tveimur árum, ef sakir eru miklar:
a. ef eldisfiskur sleppur úr fiskeldisstöð þar sem umbúnaði við fiskeldið hefur verið áfátt vegna athafna eða athafnaleysis þeirra sem framið hefur verið af ásetningi eða gáleysi“
Auk þess gildir í landinu almenn skaðabótaregla og ættu því bændur, landeigendur og stangveiðifólk, að mínu mati, að gera heildarárás á þetta fyrirtæki og önnur í sömu stöðu og leitast við að gera þau gjaldþrota strax á grundvelli þess mikla tjóns sem félagið hefur valdið með skorti á eftirliti og með því að fara ekki að þeim lögum sem þó gilda um þessi mál.
Auk þess bera íslensk yfirvöld þunga ábyrgð fyrir regluleysið og skort á eftirliti í þessu máli. Nú þurfa þau að girða sig STRAX í brók og stoppa þetta rugl.
Hvað getum við hin gert?
Jú, það sem við getum gert er að standa með bændum og náttúruverndarsamtökum sem boðað hafa til mótmæla klukkan 15 á Austurvelli og komið Alþingi í skilning um það í eitt skipti fyrir öll AÐ NÚ ER NÓG KOMIÐ og það verður að stöðva sjókvíaledi við landið í ljósi þess að getuleysið til að gera þetta með sóma virðist algjört.
Yfir ÞRJÚ ÞÚSUND manns hafa þegar lýst yfir áhuga á mætingu á mótmælin. Hér er hlekkur – Endilega dreifið sem víðast: https://www.facebook.com/events/844374740559925