Ólafur Ísleifsson, þingmaður Miðflokksins og áður Flokks fólksins, er ósáttur við framgöngu þeirra þingmanna sem eftir eru í Flokki fólksins.
„Píratar gerðu leiftursókn að þjóðkirkjunni i umræðum um fjárlagafrumvarpið. Við Miðflokksfólk greiddum vitaskuld atkvæði gegn þessu en athygli vakti að Flokkur fólksins kaus að skila auðu um tillögu píratanna um að fleygja samkomulagi ríkis og kirkju frá 1997 fyrir ofurborð. Flokkur fólksins sat hjá. Eftir þessu verður tekið. Hefði aldrei gerst ef við Karl Gauti Hjaltason hefðum verið í flokknum. Flokkur fólksins brást kristnum gildum. Hefði aldrei gerst ef við Gauti hefðum verið þarna.“
Karl Gauti skrifaði: „Við stöndum þétt að baki kristnum gildum.“
Geir Jón Þórisson, fyrrverandi yfirlögregluþjónn og varaþingmaður Sjálfstæðisflokksins, skrifar: „Ólafur Ísleifsson ég er ánægður með ykkur að standa með kristnum gildum í samfélagi okkar, ekki veitir af kæru félagar.“