Kremkex frá Frón er á útsölu í Bónus, hið minnsta. Tvö verð eru í versluninni. Þar sem enginn afsláttur er kosta 700 grömm 498 krónur, eða 711 krónur kílóið. Þar sem kexið er á tilboði, útsölu, kostar 700 gramma pakki 298 krónur, eða tæpar 426 krónur kílóið. Sem samt er mjög dýrt.
Miðjan hefur vakið athygli á að grænar baunir frá Ora eru einnig á útsölu. Íslensk ameríska, ÍSAM, á fyrirtækin bæði. Svo virðist sem salan hafi dregist saman eftir að forstjóri fyrirtækisins boðaði verðhækkanir meðan launafólk greiddi atkvæði um nýjan kjarasamning.
Viðbrögðin urðu mikil og margt fólk sagðist ekki ætla að kaupa þessar vörur framar. Hvað sem er þá er víst að nú eru Orabaunir og Frónkex á útsölu. Sennilega í fyrsta sinn.
Þú gætir haft áhuga á þessum
