Þau hin verja þetta allt með kjafti og klóm. Bjarkey Olsen og Vilhjálmur Árnason eru í stuði. Bjarkey sat lengi við hlið Steingríms J. í Norðaustri.
Ingibjörg Isaksen hringdi í Maríu Björk á N4. Ingibjörg hvatti Maríu Björk til að skrifa fjárlaganefnd Alþingis bréf þar sem hún færi fram á að ríkissjóður léti N4 fá eitt hindrað milljónir. María Björk gerði það.
Í fjárlaganefnd situr mágur Maríu Bjarkar, Stefán Vagn Stefánsson Guðmundssonar fyrrum þingmanns Framsóknar. Stefán Vagn setti sín fingraför á þetta sérstaka mál.
Fyrst ber að athuga að Ingibjörg er nýliði á þingi. Stefán hefur áður komið við á þinginu meðan hann var varaþingmaður. Þau kunna kannski ekki leikinn.
Þau hin verja þetta allt með kjafti og klóm. Bjarkey Olsen og Vilhjálmur Árnason eru í stuði.
Bæði flugu þau á þing undir kjörorðinu: „Er ekki bara best að kjósa Framsókn.“ Það kann að hafa verið rétt einhvers staðar. Það er ekki hægt að segja frambjóðendur annara flokka hafa endilega verið eitthvað skárri. Nóg um það.
Sko. Ekki veit ég til þess að Framsókn starfræki stjórnmálaskóla. Ef ekki hefur utanskólalærdómur þeirra Ingibjargar og Stefáns Vagns verið heldur bágborinn. Og reyndar þeirra hinna nefndinni sem voru tilbúin sem kvittuðu upp á eingreiðslu upp á eitthundrað milljónir til handa N4 á Akureyri.
Þau hin verja þetta allt með kjafti og klóm. Bjarkey Olsen og Vilhjálmur Árnason eru í stuði. Bjarkey sat lengi við hlið Steingríms J. í Norðaustri. Hefur eflaust margt af honum lært. Vilhjálmur hefur ugglaust sótt stjórnmálaskóla Sjálfstæðisflokksins.
Jæja, þetta mál er eins aumt og hallærislegt og hugsast getur. Eina von þeirra Stefáns Vagns og Ingibjargar er að þetta endemis rugl gleymist sem fyrst. Eins og svo margt, margt annað.
-sme
