Framsókn hefur, á þessu kjörtímabili, tapað tveimur af hverjum þremur kjósendum sínum. Tveimur þriðju. Sem hlýtur að vera einstakt. Að fá átján prósent en sitja uppi með aðeins sex prósent.
-sme
Sigurður Ingi Jóhannsson og hans fólk segjast setja heimilin í forgang að loknum kosningum. Þetta er þunnur þréttandi. Framsókn hefur setið í ríkisstjórn síðustu ellefu árin eða svo. Á þeim tíma hefur staða heimilanna versnað. Framsókn hefur einungis horft á.
Nú verður ekki hlustað á svona væl. Þetta er ótrúverðugt hjá formanninum og hans fólki. Þau verða að gera betur. Þessu trúir ekki nokkur sála, sennilega ekki einu sinni frambjóðendurnir sjálfir. Þegar er búið að snúa út úr slagorðinu: „Þetta er allt að koma“ og nú er sagt: „Þetta er allt að fara“. Framsókn hefur, á þessu kjörtímabili, tapað tveimur af hverjum þremur kjósendum sínum. Tveimur þriðju. Sem hlýtur að vera einstakt. Að fá átján prósent en sitja uppi með aðeins sex prósent. Nú þarf meira til en að Framsókn sé annt um heimilin. Því trúir ekki nokkur sála.
