Við lestur þess sem Sigurður Ingi Jóhannsson, formaður Framsóknar, skrifar kemur MIÐJAN aftur og aftur við sögu. Áramótagrein hans er engin undantekning þar á.
„Það er spennandi að fylgjast með þeim verkefnum sem eru á teikniborðinu og miða að því að framleiða hér á landi rafeldsneyti sem yrði notað til að knýja stærri farartæki og vinnuvélar á landi, skip og flugvélar. Ljóst er að til þess þarf meiri orku. Það er líka ljóst að til þess að viðhalda þeim lífsgæðum sem við höfum öðlast og helst auka þau þá þarf meiri orku. Sáttin um þá orkuöflun verður til á MIÐJUNNI, með skynsamlegum öfgalausum samræðum en þó fyrst og fremst skynsamlegum aðgerðum.“
Og aðeins síðar: „Við í Framsókn vinnum áfram af heilindum að því að bæta samfélagið með samvinnuhugsjónina sem leiðarljós. Við trúum því að samvinnan sé besta leiðin til að ná fram sátt um hvert skuli haldið. Við trúum því að framtíðin ráðist á MIÐJUNNI.“
Sem eigandi MIÐJUNNAR er ég ekki eins bjartur og Sigurður Ingi. MIÐJAN er eflaust ágæt, en öllu má nú ofgera, formaður Framsóknar.
-sme
