Stjórnmál „Það að Framsóknarflokkurinn skuli, örfáum dögum fyrir kosningar, hoppa á vagn mjög ógnvænlegrar bylgju sem virðist vera að breiðast yfir Evrópu, í þeim tilgangi að afla sér vinsælda meðal afmarkaðs hóps á kostnað annarra finnst mér vera til marks um að Framsóknarflokkurinn eigi ekki erindi í íslenska pólitík.“
Þetta sagði Sóley Tómasdóttir, borgarfulltrúi Vinstri grænna, í þættinum Sprengisandi á Bylgjunni, fyrr í morgun, en þá var verið að tala um kosningabaráttuna og ekki síst útspil Framsóknarflokksins í Reykjavík.
„Okkur þykir verulega miður að þessi umræða hafi hertekið kosningarbaráttuna,“ sagði Þorleifur Gunnaugsson oddviti Dögunar. „Ég er mjög hissa á að fólk skuli fara þessa leið til að afla sér atkvæða og ég sé ekki grundvöll, komumst við í borgarstjórn, að vinna með þeim.
„Ég geri mér ekki grein fyrir hvort þetta er tilviljun eða ekki.,“ sagði Björn Blöndal í Bjatri framtíð og hann vonaðist til að Framsóknarflokkurinn muni sjá að sér. „Og reyni að krafla sig út úr þessu, ég vona það.
Innan skamms birtist hér það sem Guðfinna J. Guðmundsdóttir, sem skipar annað sæti á lista Framsóknar sagði um þetta mál.
