Fráleitt hjá stjórn Íslandsbanka

Eyjólfur Ármannsson, þingmaður Flokks fólksins, skrifaði stutta og góða grein:

„Ástandið í Íslandsbanka nær greinilega ekki bara til bankastjóra, heldur líka stjórnar. Það er fráleitt af stjórn Íslandsbanka ráða strax ótímabundið nýjan bankastjóra við núverandi aðstæður. Varla að maður trúi því, að núverandi stjórn hafi gert það en ekki bara ráðið nýjan bankastjóra til að gegna starfinu þar til ný stjórn verður skipuð. Það er búið að boða til hluthafafundar og stjórnin er umboðslaus eftir sáttargerð við Fjármálaeftirlit Seðlabankans.

Stjórnin virðist ekki skilja það að eigendur bankans vilja koma saman og ráða ráðum sínum á hluthafafundi eftir ósköpin sem sátt FME felur í sér og marka bankanum nýja framtíð með nýrri stjórn, sem síðan hefur það hlutverk að ráð bankastjóra. Svo virðist vera að ný stjórn fái ekki það hlutverk. Stórundarlegt, svo ekki sé meira sagt.“