Forsytan fær á baukinn í Mogganum

“…sem ákvað án minnsta rök­stuðnings að falla frá hags­muna­gæslu vegna los­un­ar­heim­ilda skipa­flota þessa eyrík­is og lokaði sendi­ráði Íslands í Rússlandi að því er virðist vegna fros­ins kjúk­lings.“

Forysta Sjálfstæðisflokksins fær á baukinn í málgagninu í dag. Davíð þykir ekki mikið, til flokksráðsfundinn á laugardaginn, til koma, sem sjá má í leiðara Moggans í dag.

Davíð, fyrrverandi formaður skrifar til dæmis þetta:

„Fund­ar­skip­an var þannig að mest bar á ræðum eða pall­borðsræðum þar sem ráðherr­ar og aðrir for­ystu­menn flokks­ins fengu að láta leiðarljós sín skína en hinn al­menni flokks­ráðsmaður átti kost á að skjóta að spurn­ingu í lok­in. Þær voru oft­lega betri en fram­sög­urn­ar en svör­in upp og ofan.“

Flokks­ráðsfund­ur­inn vildi þannig ekki snupra Þór­dísi Kol­brúnu Reyk­fjörð Gylfa­dótt­ur vara­formann flokks­ins…

Það er ekkert annað. Hinir óbreyttu fundarmenn voru samkvæmt þessu forystunni fremri.

„At­hygli vakti að til­laga, sem laut að bók­un 35 í samn­ingn­um um Evr­ópska efna­hags­svæðið, náði ekki fram að ganga. Flokks­ráðsfund­ur­inn vildi þannig ekki snupra Þór­dísi Kol­brúnu Reyk­fjörð Gylfa­dótt­ur vara­formann flokks­ins, en hún ákvað sem ut­an­rík­is­ráðherra að snúa við blaðinu um af­stöðu Íslands til gild­is bók­un­ar 35.

Þar leiddi flokks­ráðið hjá sér efn­is­lega umræðu um málið, sem snert­ir full­veldi lands­ins með bein­um hætti, en vand­ræðin við bók­un 35 stafa ekki síst af því að vara­formaður flokks­ins, ut­an­rík­is­ráðherr­ann, hef­ur ekki held­ur rætt málið efn­is­lega, rök­stutt hvers vegna Ísland hafi umyrðalaust fallið frá af­stöðu sinni til þriggja ára­tuga.“

Davíð og Mogginn halda áfram á sömu braut:

„Það er baga­legt, en verra fyr­ir það að þetta virðist vera orðin regla hjá ut­an­rík­is­ráðherr­an­um, sem ákvað án minnsta rök­stuðnings að falla frá hags­muna­gæslu vegna los­un­ar­heim­ilda skipa­flota þessa eyrík­is og lokaði sendi­ráði Íslands í Rússlandi að því er virðist vegna fros­ins kjúk­lings. Það er ekki óhugs­andi að mál­efna­leg rök megi finna fyr­ir þeim ákvörðunum en þau hafa ekki verið leidd fram. Stjórn­mál­in eru ætluð til þess að ráða ráðum þjóðar­inn­ar um slík mál, ekki aðeins til þess að hlýða á það sem ráðuneytið vill helst kunn­gjöra.“