Burtséð frá allri pólitík verður ekki annað séð en forseti Bandaríkjanna sé fífl. Hér er ekki sagt að hann sé fáviti. En hann er algjört fífl.
Hann bullar endalaust og heldur uppteknu fólki frá störfum sínum. Fólki, sem starfa sinna vegna, verður að hlaupa eftir bullinu sem hann setur frá sér.
Í hans landi þykir ófínt að kallast rússsadindill. Forsetinn er sagður slíkur. Til að verjast kann hann aðeins eitt. Að skjóta upp púðurskotum. Sá sem er klaufi í meðferð þeirra, og brúkar mörg þannig skot, endar á að skaða sjálffan sig.
Forveri hans í starf var og er vinsæll maður. Heillandi maður. Sá kann að koma fram, halda ræður og gefa sig að fólki.
Sá sem nú ræður ríkjum kann ekkert að þessu. Hann virðist vera að farast úr afbrýðissemi. Sem leiðir til þess að hann bullar út í eitt. Virkar stjórnlaus.
Hér er ekki fjallað um stjórnmál eða hversu alvarlegt það kann að vera þegar forseti Bandaríkjanna er viðkvæmur og jafnvel hefnigjarn. Óvandaðar og óhugsaðar athugasemdir forsetans kunna að vera skaðlitlar. En eru það ekki.
Forsetinn mun ekki láta af þessum asnaskap. Hvers vegna? Vegna þess að hann er fífl.
Sigurjón M. Egilsson.
