Formennirnir þrír á flótta frá Alþingi

Sumarfrí þingmanna ber að með skjótum hætti. Athygli vekur að formenn stjórnarflokkanna taki ekki þátt í eldhúsdagsumræðum í kvöld. Katrín, Bjarni og Sigurðru Ingi virðast hafa eitthvað betra að gera en tala til þjóðarinnar.

Þetta er lúðalegt. Aðalfólkið treystir sér greinilega ekki. Skal svo sem engan undra. Efnahagsmál þjóðarinnar eru í kaldakoli. Fjáramálastöðugleikanefnd Seðlabankans hefur í raun lýst því yfir að hver og einn Íslendingur verði að bjarga sér. Hér sé allt að fara til fjandans.

„Fjármálastöðugleikanefnd brýnir fyrir lánveitendum að huga tímanlega að þyngri greiðslubyrði lántakenda til þess að fyrirbyggja greiðsluerfiðleika. Þar sem þörf krefur ber að skoða að lengja lánstíma, taka upp jafngreiðsluskilmála, setja þak á greidda nafnvexti og líta til ólíkra lánaforma sem bjóða upp á mismunandi greiðslubyrði. Rúm eiginfjárstaða margra lántaka ætti að gefa töluvert svigrúm til að tryggja að greiðslubyrði haldist í takti við viðmið lánþegaskilyrða sem nefndin hefur sett.“

Þetta er frá Seðlabankanum. Eina leiðin fyrir almenning er að skuldsetja sig eins og hver lifandi getur vegna sí versnandi kjara. Og hvað svo Seðlabanki? Ekki minnkar afborganir við aukna skuldir.

Er ekki í raun verið að segja fólki að koma sér burt. Efnahagskerfi Bjarna efnahagsráðherra ríkisstjórnar Katrínar er vita, vita vonlaust. Fólkið sem hvatti allan almenning til að kaupa íbúðir og hús. Hér væri komið skeið lágra vaxta. Með þessari fáránlegu niðurstöðu.

Þau sem eru ábyrg fyrir þessari stöðu verða að hætta. Verða að fara. Þjóðin verður að fá ábyrgara fólk til að ráða fram úr vandanum. Þeim þremur hefur mistekist svo gjörsamlega að ekki verður við það búið. Ekki einn dag í viðbót.

Katrín, Bjarni og Sigurður Ingi viljið gera það fyrir okkur að hætta í þessari vonlausu baráttu ykkar strax. Annað fólk verður að taka við – og það strax.