Björn Birgisson í Grindavík skrifaði á Facebooksíðu sína:
Er landinu stjórnað af einstaklega forhertu fólki eða af algjörum hálfvitum?
Það er ríkjandi 200 manna hámarksregla og samt er allt í lagi að pakkað sé í flugstöðinni og fólk þar álíka þétt saman og saltsíld í tunnu! Það mátti ekki halda útihátíðir en það má stefna allra þjóða kvikindum þúsundum saman í flugstöðinni, veifandi annað hvort engum pappírum eða marklitlum sneplum, jafnvel fölsuðum.
Dreifandi veirusmitum í allar áttir!
Svo þegar Landspítalinn yfirfyllist þá segir fjármálráðherra skoffínið siðlausa að það sé starfsfólkinu og stjórnendum um að kenna – ekki takist að útskrifa nægilega marga sjúklinga til að rýma til fyrir nýjum!
Maðurinn með fjárveitingavaldið vogar sér að segja svona þvælu!
Það er bara ekki heil brú í þessu.
Mörg þúsund smitum spáð á næstu vikum – og það er bara allt í lagi á meðan ferðaþjónustan er að fá peninga í kassann!
Þetta er ekki lengur bara hálfvitalegt – þetta er orðið glæpsamlegt stjórnleysi.