„Án þess að kafa ofan í deiluna finnst mér ágætt að koma þeirri persónulegu skoðun á framfæri að hvorki samninganefnd ASÍ, stjórnarmenn lífeyrissjóða né stjórnmálamenn eiga lífeyrissjóðina. Þá á fólkið sem í þeim á pening og hlutverk sjóðanna er að ávaxta það fé,“ skrifar Ragnar Þór Pétursson, formaður Kennarasambandsins.
„Það er til háborinnar skammar að hér á landi skuli ekki vera nein almennileg hugmyndafræði um lífeyrissjóðakerfið og samspil þess við almannatryggingakerfið. Það vantar sárlega upp á það í íslensku hagkerfi og samfélagi að staðinn sé vörður um grundvallaratriði – og það mun ekki breytast meðan menn eru ekki með grundvallaratriðin á hreinu,“ skrifar hann.
