Össur Skarphéðinsson skrifaði og birti á Facbook:
„Ég hef þó nokkrar mætur á Þorsteini Víglundssyni og oft mælist honum snoturlega. Hugsanlega skortir hann þó jarðsamband. Eina athugasemd þessa góða talsmanns Viðreisnar í efnahagsmálum var að samningarnir vektu spurningar „um sjálfstæði Seðlabankans.” Ég get trúað varaformanni Viðreisnar fyrir því að 95 % þjóðarinnar er fjandans sama um “sjálfstæði Seðlabankans.” Og helmingur hennar er til í að standa upp og klappa þegar sagt er að Seðlabankinn eigi að lækka vexti.
Í samhengi hlutanna er líka fráleitt að þessi partur kjarasamninganna hafi vegið að „sjálfstæðinu“ hjá félaga Má og bankanum. Þeir sem lesa ræðu Más á aðalfundi bankans í síðustu viku sjá að þar lofar aðalbankastjórinn nánast vaxtalækkunum – í fleirtölu – verði kjarasamningar á skaplegum nótum. Það er betra að þingmenn fylgist með ef þeir ætla að gera sig breiða. Líka hinn annars ágæti varaformaður Viðreisnar.“