Fólk vill fá allt fyrir ekkert
„Staðan er sú að það er lítið sem ekkert til atvinnurekenda að sækja.“ Enn er sótt að launafólki í leiðara Fréttablaðsins.
Svo er að sjá í leiðara Fréttablaðsins, sem er skrifaður af einum af ritstjórum blaðsins skrifar, segi að framlag hins almenna launamanns sé einskis virði.
„Það er ekkert nýtt að flestir vilji fá allt – meðal annars hærri laun, lægri vexti, minni hækkanir fasteignaverðs – fyrir ekkert.“
Hörður Ægisson leiðarahöfundur er ákveðin í baráttunni gegn fólkinu. Hann talar um miklar launahækkanir og afleiðingarnar komi til þeirra. „Tugprósenta launahækkanir, á sama tíma og samkeppnishæfni flestra fyrirtækja hefur rýrnað stórkostlega á skömmum tíma, myndu þannig valda aukinni verðbólgu, enn meiri hækkunum á fasteignamarkaði og hærri vöxtum en ella. Niðurstaðan væri skert lífskjör fyrir meginþorra almennings. Þetta ætti að blasa við öllu sanngjörnu fólki.“
Þarna er minnst á sanngirni. Hún hið minnsta virðist ekki búa í ritstjóranum Herði. Framsetning hans er einhliða í meira lagi. Hann leitar leiða til að byggja undir þá aðför sem hann stundar gegn launafólki. Hann veit að stuðninginn er helst að finna í Borgartúni 35.
Hörður skrifar: „Sigurður Hannesson, framkvæmdastjóri Samtaka iðnaðarins, benti af þessu tilefni á hið augljóslega í Fréttablaðinu í gær: „Staðan er sú að það er lítið sem ekkert til atvinnurekenda að sækja.“ Undir þá skoðun má taka.“
Andinn í leiðara Fréttablaðsins, orðræða Bjarna Benediktssonar og Katrína Jakobsdóttur eru til þess fallin að herða enn frekar á kröfum og krafti verkafólks.
