Eftir að hafa horft á þættina fjóra um sigurgöngu Víkinga á liðni leiktímabili er ég eiginlega alveg gáttaður. Aftur og aftur og aftur notuðu þrír miðaldra menn, Arnar Gunnlaugsson, Kári Árnason og Sölvi Geir Ottesen orðskrípið „fokking“ við eiginlega öll tækifæri. Kári sennilega oftar en hinir.
Þetta er ljóður á annars ágætri framkomu þremenninganna. Sem stuðningsmaður KR fannst mér skína í gegn andúð Kára á mínu félagi. Það er samt smámunir miðað við orðaforðann.
Best að taka fram að ég met afrek þeirra þriggja mjög svo. Þeir stóðu sig með miklum ágætum. Munum samt að það læra börnin sem fyrir þeim er haft.
