Hvers vegna er t.d. verið að úthluta útgerðarfélaginu Brimi sem er komið langt upp fyrir kvótaþakið, byggðakvóta fyrir þorp á Austurlandi?
Sigurjón Þórðarson.
Sigurjón Þórðarson skrifar:
Þessi svör við fyrirspurn Eyjólfs Ármannssonar hljóta að kalla á umræðu á þingi og skýringa frá Sigurði Inga, innviðaráðherra eða jafnvel forsætisráðherra. Það er augljóst að megnið af byggðakvóta Byggðastofnunar vegna brothættrar byggða lendir á togurum sem eru í eigu stórútgerðarinnar og landa ekki í viðkomandi plássum. Það hlýtur að þurfa grípa inn í málið og koma á almennum leikreglum við úthlutun á þessum gæðum sem meta má árlega á milljarða króna. Flokkur fólksins hefur þegar lagt fram tillögur að breytingum á úthlutunarreglum sem hefur verið vel tekið nema þá helst af innviðaráðherra.
Hvers vegna er t.d. verið að úthluta útgerðarfélaginu Brimi sem er komið langt upp fyrir kvótaþakið, byggðakvóta fyrir þorp á Austurlandi?
Hvaða vitleysa er þetta – vill forsætisráðherra viðahalda þessari spillingu?
Það segir allt sem segja þarf um skýrslu Auðlindarinnar okkar og hvaða sjónarmið réðu þar ferðinni að þessi úthlutun Byggðastofnunar til brothættra byggða fékk afbragðs einkunn í fyrrgreindri skýrslu.
