Gunnar Smári skrifar:
Þessi ráðherra hélt því fram að það væru ólík viðhorf í þéttbýlinu fyrir sunnan og út um hinar dreifðu byggðir sem kynnu að skýra hrun raforkudreifingar á Norðurlandi. Hvaða rugl er þetta? Það eru allir landsmenn sammála um að allir landsmenn eigi að hafa aðgengi að öruggu og ódýru rafmagni. Flokkur ráðherrans ákvað hins vegar, með blessun annarra flokka á þingi, að ekki láta þann vilja almennings stýra uppbyggingu kerfisins heldur setja það inn í hlutafélög sem rekin væru út frá arðsemissjónarmiðum og rökstuddi það með því að arðsemissjónarmið tryggðu ætíð réttasta niðurstöðu. Hvílík firra.
Arðsemissjónarmið höggva niður þjónustu sem ekki stendur undir sér og trassar uppbyggingu þjónustu við þá sem búa dreift eða langt í burtu frá virkjunum. Rafmagnsleysið fyrir norðan var bein afleiðing af stefnu flokks ráðherrans og hafði ekkert með viðhorf almennings fyrir sunnan að gera. Almenningur fyrir sunnan stendur með almenningi fyrir norðan og vill honum allt hið besta. Það er flokkur ráðherrans sem vill almenningi ekkert gott, nema það sé hægt að græða á því að veita honum það.
