Ferðaþjónusta Rétt tæplega tuttugu og fimm prósent fleiri ferðamenn komu til Íslands í maí í ár en í fyrra. 2013 voru þeir rétt um 53.000 en 66.700 í ár. Þetta er í framhaldi af því sem hefur gerst fyrr á árinu. Ferðamönnum fjölgaði um fjörutíu prósent í janúar, 31.2 prósent í febrúar, 35.3 í mars og 29.4 í apríl.
Það sem af er ári hafa 291.170 erlendir ferðamenn farið frá landinu eða um 70 þúsund fleiri en á sama tímabili í fyrra. Um er að ræða 31,4% aukningu ferðamanna milli ára frá áramótum í samanburði við sama tímabil í fyrra. Veruleg aukning hefur verið frá flestum mörkuðum; N-Ameríkönum hefur fjölgað um 48,3%, Bretum um 41,4%, Mið- og S-Evrópubúum um 17,6%, og ferðamönnum frá öðrum mörkuðum um 38,6%. Norðurlandabúum hefur hins vegar ekki fjölgað í sama mæli eða um 10%.
