Ég hef óskað eftir því við Ríkislögreglustjóra að aðgerðir til að bregðast við heimilisofbeldi.
Áslaug Arna Sigurbjörnsdóttir dómsmálaráðherra hefur ákveðið að draga skugga yfir öll verk sín í embætti með vilja sínum að auka sem mest heimsendingar á áfengi. Hvaða fólk er svo fyrirhyggjulaust að það geti ekki nálgast áfengi með þeim leiðum sem nú standa til boða? Ofdrykkjufólk? Já, líklegast.
Áslaug Arna veit þetta og skrifar, í Fréttablaðið, grein um afleiðingar áfengisdrykkju inn á heimilum.
„Þegar hafa komið fram vísbendingar um að ofbeldi í nánum samböndum hafi færst í aukana að undanförnu. Oftast er um að ræða konur og börn. Nauðsynlegt er að bregðast við og tryggja eins og kostur er öryggi þeirra sem búa í slíku umhverfi,“ skrifar dómsmálaráðherrann.
Við þurfum að tryggja þolendum möguleika og úrræði.
Hvers vegna ráðherrann vill auka þennan vanda er með öllu óskiljanlegt.
„Ég hef óskað eftir því við Ríkislögreglustjóra að aðgerðir til að bregðast við heimilisofbeldi verði sérstaklega teknar til umræðu á fundi lögregluráðs í þessari viku. Lögregluembættin verða öll að vera vakandi fyrir þessari hættu og reiðubúin til að grípa til viðeigandi ráðstafana hvar sem er á landinu. Hraða verður, eftir því sem mögulegt er, viðbragðstíma lögreglu eftir að tilkynning hefur borist um yfirvofandi eða yfirstandandi hættu eða ógn á heimili,“ skrifar Áslaug Arna.
Hún veit svo sannarlega af vandanum. En vill umfram allt auka hann sem mest hún má. Þegar afleiðingarnar blasa við. Hvað þá?
„Við þurfum að tryggja þolendum möguleika og úrræði til að bregðast við og forða sér út úr hættulegum aðstæðum. Ótti um að þau úrræði séu ekki örugg vegna þess faraldurs sem ógnar nú lífi og heilsu landsmanna er ástæðulaus. Gerðar hafa verið ráðstafanir til að bregðast við af völdum COVID-19 í Kvennaathvarfinu, Bjarkarhlíð og Bjarmahlíð. Enginn má veigra sér við að leita sér aðstoðar á þessum tímum. Þolendur eiga kost á að fá þar vernd, dvöl, viðtöl og ráðgjöf, lögfræðiaðstoð og langtíma stuðning til að vinna úr afleiðingum of beldis,“ skrifar Áslaug Arna Sigurbjörnsdóttir.
Ekki fer á milli mála að ráðherrann veit hversu ömurlegt þetta er. Samt vill hún gera sitt til að auka á óhamingju fjölda fólks. Hvers vegna?
