Sigurður Ingi Jóhannsson er furðufugl. Getur meira að segja verið fyndinn – en óvart.
Gunnar Smári sér í gegnum Framsóknarþvæluna:
„Svona notar Framsókn peningana sem hann fær frá ríkissjóði. Reynir að stilla því þannig upp að Sigurður Ingi sé að störfum við að smíða, einn og að því er virðist óstuddur, Sundabrú. Myndin minnir á Kim Jong-un að segja fávísum verkamönnum til. Samt er Sundabraut ekki á neinu plani. Það er ekkert vitað um hvort út úr rannsóknum og samningum komi brú eða göng þrátt fyrir að talað hafi verið um Sundabraut í bráðum þrjá áratugi. Sundabraut er því dæmi um fádæma getu- og ráðaleysi en ekki snerpu Sigurðar Inga, eins og hann vill halda fram (með fjármagni frá ykkur) korteri fyrir kosningar. Spyrjið Sigurð Inga hvað hann hafi eiginlega verið að gera síðustu átta árin í ríkisstjórn (nánast óslitið); ekki hvað hann ætlar að lofa að gera í framtíðinni.“